Volcano Trail Run - Þórsmörk

For information in English please click here!

Laugardaginn 12. september árið 2020 fer fram í sjöunda sinn utanvegahlaupið Þórsmörk Volcano Trail Run. Hlaupið er opið öllu áhugafólki um utanvega- og fjallahlaup.

Ræsing 12. september 2020 kl 13:00 við skála Volcano Huts í Húsadal í Þórsmörk. Hlaupið endar á sama stað. 

>> Hér má nálgast Facebook síðu hlaupsins

Brautin: Tindfjallahringur

12 km hlaupið hefst við skála Volcano Huts í Húsadal í Þórsmörk og hlaupið er inn Húsadalinn áleiðis upp Laugaveginn. Þegar komið er upp úr Húsadal er beygt af leið til hægri í áttina að Langadal og farið af stígnum upp á Slyppugilshrygg og meðfram honum þar til stígurinn liggur niður í Slyppugilið. Þá er beygt til vinstri áleiðis að Tindfjallasléttu og svo niður Stangarháls að Stóraenda. Þaðan er hlaupið eftir Krossáraurum að Langadal og stefnan tekin upp Valahnúk (275 m hækkun) og niður aftur að vestanverðu að endamarki í Húsadal.

Hér má sjá leiðina á korti og hér má svo einnig hlaða niður GPX skrá með leiðinni.

Skráning

Opnað hefur verið fyrir skráningu á hlaup.is og eru þátttökugjöld sem hér segir:

Skráningar frá 1.apríl - 30.júní: kr. 7.900
Skráningar frá 1.júlí - 10.september: kr. 8.900
Skráningar frá 11.september - 15. september: kr. 12.900

Lokað verður fyrir skráningar kl 12:00 þann 14. september.

Innifalið í þátttökugjaldi er aðgangur að sturtum, gufubaði og baðlaug eftir hlaupið en einnig er hægt að bóka gistingu í Húsadal hér á vefsíðunni

Athugið að hámarksfjöldi í hlaupin fyrir árið 2020 er 250 manns

Verðlaun

Allir þátttakendur fá verðlaunapening/minningargrip þegar þeir koma í mark

Verðlaun verða veitt fyrir þrjú fyrstu sæti karla og kvenna 

Ábyrgð

Hlaupið er haldið af Volcano Huts í Húsadal í Þórsmörk. Ábendingar og fyrirspurnir er varða hlaupið sendist á ([email protected])

Skilmálar

Við Skráningu í Volcano Trail Run og samþykkir þátttakandi þar með skilmála hlaupsins.

Skráður þátttakandi eru ábyrgur fyrir gögnum sem honum eru afhent vegna hlaupsins (ss. hlaupanúmer). Óheimilt er að láta þriðja aðila fá þau gögn. Það er ekki hægt að breyta skráningu á einu nafni yfir í annað, færa skráningu yfir á annað hlaup eða annað ár.

Endurgreiðsla

Endurgreiddur er hluti þátttökugjalds vegna forfalla ef óskað er eftir því sem hér segir:

Fyrir 1.júlí: 50% endurgreiðsla

Ósk um endurgreiðslu þarf að berast á netfangið [email protected]. Gefa þarf upp fullt nafn, kennitölu, upplýsingar um bankareikning og símanúmer, auk rafrænnar greiðslukvittunar sem berst á þitt netfang við skráningu. 

Aðrar upplýsingar

Brautarverðir verða á völdum stöðum á leiðinni. Stígur er greinilegur mestan hluta leiðarinnar og með stikum.

Engar drykkjastöðvar verða en vatn rennur í lækjum hér og þar meðfram leiðinni þar sem hægt er að fylla á brúsa.

Nánari upplýsingar og skráning á [email protected].

 

Pantið rútumiða og/eða grillmáltið

Loading...

Bókaðu þinn Volcano Trail run helgarpakka  

Loading...